ალენ დელონი:”ბევრი ვიტანჯე,ბევრი შევცდი, მაგრამ მიყვარდა”
დღეს ალენ დელონი 88 წლის ასაკში გარდაიცვალა, ჯერ კიდევ 2019 წელს ინსულტი მიღების შემდეგ შვეიცარიაში ცხოვრობდა და სიცოცხლის დასრულებას ევთანაზიით ფიქრობდა. ევთანაზია სიცოცხლის ნებაყოფლობით დასრულების პრაქტიკაა, რომლის დროსაც ადამიანი სიკვდილს თავისი ნებით , ირჩევს. თუმცა ბოლო დროს რვთაბაზია გადაიფიქრა.ბოლოს ალენმა ევთანაზიუთ სიკვდილი გადაიფიქრა.
ახლა ცოტა რამ დელონის ბიოგრაფიაზე, ალენ დელონი საფრანგეთში 1935 წელს დაიბადაჰ) —იგი იყო ფრანგი მსახიობი, პროდიუსერი, რეჟისორი და სცენარისტი.
გარდა ამისა, იგი იყო კოლექციონერი, გატაცებულია დოღით, ორგანიზატორია კრივის ჩემპიონატის. 1999 წლიდან ორმაგი მოქალაქეობა ჰქონდა: საფრანგეთისა და შვეიცარიის. ალენ დელონი კინომატოგრაფიის ისტორიაში შევიდა როგორც ლამაზი, მეამბოხე, ენიგმატური და ფატალური მამაკაცი.
შესრულებული როლები:
კინოდებიუტის შემდეგ დელონი მარკ ალეგრემ გადაიღო ფილმში – Be Beautiful But Shut Up, მაგრამ ძმები ალეგრების ფილმებში პატარა როლებს ალენისთვის აღიარება არ მოუტანია. ნამდვილი აღიარება მსახიობთან 1960 წელს მოვიდა, როდესაც შედგა რენე კლეიმანის დეტექტიური სურათის Purple Noon (Plein soleil) პრემიერა. მაშინ ალაპარაკდნენ დელონზე, როგორც ნიჭზე, რომელშიც ერთმანეთს ეხამებოდა “ეშმაკის სული” და “ანგელოზის სახე”. მსოფლიო კინოგაქირავებაში ფილმის გამოსვლის შემდეგ დელონი საფრანგეთის გარეთაც გაიცნეს. ამ დროს დელონი შემოთავაზებას იღებს ცნობილი იტალიელი რეჟისორისგან – ლუკინო ვისკონტისგან. ასე დაიწყო იტალიური ხანა დელონის შემოქმედებაში.
60 -იან წლებში მას ყოველ წელს იღებენ ფილმში. დელონის მონაწილეობით ამ პერიოდის ყველაზე ცნობილი ფილმებია: “როკო და მისი ძმები”; “ლეოპარდი”; “მელოდია სარდაფიდან”; “დაჩრდილვა”; “შავი ტიტა”…
ჰოლივუდი და ალენი
1965 წელს დელონი ბოლოს და ბოლოს ხვდება ჰოლივუდში, მაგრამ აქ მისი მონაწილეობით გადაღებულ ფილმებს დიდი წარმატება არ მოჰყოლია. ბედის ირონიით, საფრანგეთში დაბრუნებისთანავე მსახიობს რამდენიმე როლი შესთავაზეს – “სამურაი”; “თავგადასავლების მაძიებელნი”, “აუზი”, “სიცილიური კლანი”…
მომდევნო 3 ათწლეულის განმავლობაში დელონმა 50-ზე მეტ ფილმში ითამაშა. ასევე, მან ბედი სცადა როგორც რეჟისორმა, პროდუსერმა და სცენარისტმა. ფრანგი მსახიობი მრავალი წლის განმავლობაში სექს-სიმბოლოდ მიიჩნეოდა და ბევრი მანდილოსნის გულთამპყრობელიც იყო.
პირადი ცხოვრება
“ბევრი ვიტანჯე, ბევრჯერ შევცდი, მაგრამ მიყვარდა” – ასე, ერთი ფრაზით აღწერა მსახიობმა თავისი ცხოვრება.
რამდენი ქალი არსებობდა მსახიობის ცხოვრებაში? ოფიციალურად დელონი 3 ჯერ იყო დაქორწინებული. გარდა ამისა, კიდევ ორი ქალი იყო, რომელთაც არანაკლები გავლენა მოახდინეს ალენ დელონის ცხოვრებაზე.
ალენის პირველი სიყვარული მომხიბვლელი და უზომოდ ქალური, ავსტრიელი მსახიობი რომი შნაიდერი იყო.
შნაიდერი დელონმა ფილმ “კრისტინას” გადაღებაზე 1958 წელს გაიცნო. წყვილი დაინიშნა, მაგრამ 6 წლის შემდეგ ისინი ერთმანეთს დაშორდნენ.
შემდეგ იყო რომანი მსახიობ ნიკოსთან, რომელმაც დელონს 1962 წელს ვაჟი – არი გაუჩინა.
დელონის პირველი ქორწინება ჰქონდა ახალგაზრდა ფოტოგრაფ ნატალი ბარტემელისთან. წყვილს შეეძინა ვაჟი ენტონი, მაგრამ მათი ერთად ცხოვრება მხოლოდ 5 წელს (1964 -1969) გაგრძელდა.
1969 წელს დელონმა სცადა ურთიერთობა აღედგინა რომი შნაიდერთან, მაგრამ “გაზრდილი” მსახიობები მიხვდნენ, რომ სიყვარული დიდი ხნის წასული იყო – დარჩენილი იყო მხოლოდ თბილი მოგონებები.
მაშინ ალენის ცხოვრებაში გამოჩნდა მსახიობი მირეი დარკი. მათი სამოქალაქო ქორწინება 13 წელს გაგრძელდა, თუმცა დელონი მირეის ღალატობდა და გარკვეული ხნით ახალგაზრდა ან პერიოსთანაც კი ცხოვრობდა.
მაგრამ მას შემდეგ, რაც დარკი კატასტროფაში მოყვა, დელონი ცოლს დაუბრუნდა და მას გვერდით ედგა გამოჯანმრთელებამდე. დაშორების შემდეგაც კი მსახიობები ერთმანეთთან მეგობრულ ურთიერთობას ინარჩუნებდნენ.
1987 წელს დელონმა გაიცნო ჰოლანდიელი მოდელი როზალი ვან ბრემენი. ის დელონის მესამე ცოლი იყო. როზალიმ დელონს ორი შვილი – ქალიშვილი ანუშკა და ვაჟი ალენ-ფაბიენი გაუჩინა. ამჯერად, დელონს სურდა, რომ თავი ოჯახისთვის მიეძღვნა, მაგრამ 10 წელიწადში, 1997 წელს, ეს ურთიერთობაც დასრულდა.
სიცოცხლის ბოლო წლებში ალენ დელონი განმარტოებით ცხოვრობდა თავის განუყრელ ძაღლებთან ერთად.
