ირაკლი ოქრუაშვილმა ერთი ბრძანებით, 2 000 უფროსი ოფიცერი ჯარიდან დაითხოვა
აგვისტოს ომის შემდეგ თავდაცვის სამინისტროსთან ომის ვეტერანები დაითხოვეს. ამ ფაქტის შესახებ სამხედრო მაღალჩინოსანი ზაზა ქოიავა პარლამენტის საგამოძიებო კომისიასთან საუბრობს.
” მას შემდეგ,როდესაც ღა დაცვის სამინისტროში მინისტრად დაინიშნა გია ბარამიძე,მდივნად მოიყანა ლაშა ხოშტარია,მათ მიიღეს გადაწყვეტილება,რომ ჯარიდან ყველა ომის ვეტერანი გაეშვათ. ისინი,ვინც მონაწილეობას ხებულობდნენ,როგორც აფხაზეთის,ასევე აგვისტოს ომში.მე პირადად ამ დროს გახლდით ადამიანური რესურსების მართვის ცენტრიც ხელმძღვანელი და მინისტრის მრჩეველი ამ საკითხებში.
ამის შემდეგ მოვიდა თავდაცვის მინისტრად ირაკლი ოქრუაშვილი,რომელმაც ერთი ბრძანებით 2 000 ათასი ოფიცერი გაუშვა. მათ შორის იყვნენ გერმანიაში,ამერიკასა და თურქეთში განათლება მიღებული სამხედრო პირები. გათავისუფლებული უფროსი ოფიცრების ადგილას დანიშნეს უმცროსი ოფიცრები და მიანიჭეს უფროსი ოფიცრის წოდება. ამ დროს ისინი ჯერ კიდევ სწავლის პროცესში იყვნენ და თავად სწავლობდნენ წარმოუდგენელია თუ რა უნდა ესწავლებინათ უმცროსი ოფიცრებისთვის.
ჯარიდან ომის ვეტერანების და უფროსი ოფიცრების გათავისუფლებას მთლიანად ჯარის დემორალიზაცია გამოიწვია და ყველას გაუჩნდა განცდა,რომ მათაც გაათავისუფლებენ,როგორც გადამუშავებულ მასალას”- განაცხადა
ზაზა ქოიავამ კომისიის სხდომაზე.
